После стартниот пораз од домаќинот со 24:23 и триумфот над Белорусија (30:29), денеска нашите надежи повторно блескаа овојпат против Азербејџан славејќи со 30:23.

На тој начин „црвено-жолтите“ дојдоа на чекор до полуфиналето на ЕХФ шампионатот, а во последното коло в среда од 18.00 часот ќе ги одмерат силите против Полска.

Доминираше голманката Симона Грујовска со 19 одбрани, а МВП наградата дојде во рацете Ангела Костовиќ која беше најефикасна со пет голови, по четири ја следеа Андреа Седлоска, Ангела Јанкуловска, Ивана Џатевска и Стефанија Ѓорѓиевска.

Моментно на табелата води Италија со шест максимални бодови, пред Македонија со четири, Белорусија и Полска имаат по два, а Азербејџан ниту еден.

Во другата група А ситуацијата е следна: Исланд (6 бодови), Чешка (4), Израел (4), Турција (2) и Косово (0).