Манчестер сити по вчерашниот дуел со Борусија Дортмунд во Германија на реваншот од четвртфиналето во Лигата на шампионите ќе носи предност од еден гол (2:1), а покрај тоа „граѓаните“ се во трка за уште три трофеи сезонава.

Сити е пред освојување на титулата во Премиер лигата, има 14 бода предност пред градскиот ривал Манчестер јунајтед, ќе игра во финалето на Лига купот, додека во ФА купот го очекува полуфинале против Челси.
Доколку успее да ги освои сите четири трофеи, Манчестер сити ќе стане првиот англиски клуб со таков успех и поради тоа сопствениците на клубот одлучија да им дадат дополнителен екстра мотив.

Богатите шеици одлучија да издвојат вистинско богатство за премии, фудбалерите на Манчестер сити ќе поделат речиси дури 160 милиони фунти доколку ги освојат сите  трофеи до крајот на сезоната. Поточно, фудбалерите имаат 158.2 милиони причини да триумфираат во сите четири натпреварувања.

Официјално: Де Брујнe потпиша нов договор со Манчестер сити