Газдите на Јунајтед не менуваат, Солскјер сè уште има поддршка – Слободен печат
СпортФудбал

Газдите на Јунајтед не менуваат, Солскјер сè уште има поддршка

Манчестер Јунајтед го има најлошиот старт во историјата откако постои Премиер лигата.

Манчестер јунајтед катастрофално ја отвори сезоната, по осум кола се наоѓа на 12. позиција со само девет бодови, што претставува најлош старт во историјата на клубот откако е формирана Премиер лигата. Последниот пораз за „црвените ѓаволи“ беше во неделата кога на „Сент Џејмс парк“ загубија од Њукасл со 1:0. Агонијата на навивачите е поголема ако се знае дека лидер на табелата е најголемиот ривал, Ливерпул со дури 15 бодови повеќе, а се наоѓаат на само два бода од зоната на испаѓање.

Јунајтед нема победа на гости од февруари годинава, а покрај тоа екипата не може да постигне повеќе од еден гол на натпревар откако во првото коло на „Олд трафорд“ го совладаа Челси со 4:0, а веќе во наредното коло по репрезентативната пауза го очекува големото дерби против Ливерпул, а потоа и со шампионот Манчестер јунајтед.


Навивачите на Јунајтед бараат оставка од менаџерот Оле Гунар Солскјер, во тие останаа разочарани од одлуката на сопствениците на клубот. Според неименуван извор од клубот, семејството Глејзер се уште има доверба во Солскјер дека е човекот кој ќе го извади тимот од големата криза.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close