Фертита е сопственик, претседател и извршен директор на Landry`s Inc, еден од најголемите ланци на ресторани во САД, а магазинот „Форбс“, богатството на газдата на Хјустон го процени на 4.6 милијарди долари.

Фертита кој има повеќе од 600 ресотрани, хотели, казина и други објекти за забава во САД, во разговор за Блумберг призна дека отпуштил 40.000 работници.

– Сакам секого од сите нив повторно да ги вработам, ова е тешко време за работници и нивните семејства, но мора да преживееме или компанијата повеќе нема да постои – се правдаше милијардерот за потегот кој беше осуден од сите, и медиумите и политичарите и граѓаните во САД.

Телевизијата Блумберг објави дека за време на кризата поради коронавирусот, приходите од продажба во рестораните на Фертита паднале од 12 на 11 милиони долари и дека поради тој еден милион отпушта работници.

Rockets owner Tilman Fertitta:
• downplayed Covid-19
• tried to remove employee benefits
• furloughed 40,000 employees
• wants business to re-open already

He’s the worst type of boss.https://t.co/e63KWdvZGh

— SB Nation (@SBNation) March 26, 2020

Минатата недела, Фертита на своите вработени им ги укина бенефициите и платените годишни одмори на работниците во рестораните чиј профит е опаднат откако беа ограничени само на доставување на храна, а неколку дена подоцна под притисок на јавноста, се премисли.

Сепак, во средата Фертита отпушти дури 40.000 работници или 70 проценти од персоналот во рестораните.