„Ѓаволска“ завршница на Јунајтед
Манчестер јунајтед како гостин со 4:1 го совлада Њукасл во петтото коло од Премиер лигата.
Натпреварот кој се играше на „Сент Џејмс Парк“ најдобро го отсликува стартот на сезоната на Манчестер јунајтед, примен гол уште на стартот и тоа поради катастрофални грешки на одбраната, а потоа мачење и надеж дека Бруно Фернандеш со некоја мајсторија ќе ги сврти работите.
Овој пат тоа им успеа на „црвените ѓаволи“, откако уште во третата минута имаа негатива поради автоголот на Лук Шо. Интересно е што Јунајтед на сите четири натпревари досега одиграни во Премиер лигата прими гол и тоа се случува за прв пат од сезоната 2001/02.
До крајот на полувремето, Јунајтед се враќа во игра преку дежурниот виновник за киксевите, Хари Мегваер кој во 23. минута скокна највисоко и донесе израмнување.
Big response, big header.
We needed that, @HarryMaguire93 ?#MUFC #NEWMUN pic.twitter.com/t1240VENiI
— Manchester United (@ManUtd) October 17, 2020
Манчестер јунајтед имаше можност во 58. минута да поведе со 1:2 но шутот од пенал на Фернандеш, голманот Дарлоу го одбрани по што следеше ново мачење на „црвените ѓаволи“ и тоа до самиот финиш на средбата.
Во последните моменти од натпреварот, Бруно Фернандеш во 86. минута носи водство за Јунајтед, Арон ван Бисака во 90. минута зголемува на 1:3, а конечниот резултат го постави Маркус Рашфорд во 96. минута.
Newcastle 1 – [2] Manchester United – Bruno Fernandes 86' #NEWMUN #PremierLeague pic.twitter.com/ij2tq91U3U
— noobfcb (@noobfcb) October 17, 2020
Newcastle 1 – [3] Manchester United – Aaron Wan-Bissaka 90' #NEWMUN #PremierLeague pic.twitter.com/vnXLU5yQpb
— noobfcb (@noobfcb) October 17, 2020
Newcastle 1 – [4] Manchester United – Marcus Rashford 90+6' #NEWMUN #PremierLeague pic.twitter.com/Pw3hPW5Hjz
— noobfcb (@noobfcb) October 17, 2020
Претходно, Манчестер сити со голот на Рахим Стерлинг во 23. минута го совлада Арсенал, Челзи со три наспрема два гола го совлада Саутемптон, а Евертон и Ливерпул одиграа нерешено (1:1).
