Гатузо: Милик си оди од Наполи, Кулибали може да остане!

Тренерот на италијанскиот клуб Џенаро Гатузо потврди дека Аркадиуш Милик е надвор од составот, но Калиду Кулибали нема да си оди освен доколку клубот не ја добие потребната сума за неговите услуги.

Милик не беше во екипата на Наполи во победата на пријателскиот натпревар против Пескара (4:0), а најновите информации велат дека за потписот на Полјакот се борат Рома, Јувентус и Тотенхем.

– Бевме многу јасни минатата година за Милик, му рековме дека може да го продолжи неговиот договор, но одби и тој знае сега како гледаме на неговиот статус – рече Гатузо за „Скај Спорт Италија“.

Полскиот интернационалец има договор до јуни 2021 година, би можел да си замине ова лето или на крајот од сезоната како слободен агент.

Прочитајте и...  Виена со нетрпение го чека победничкиот „танц“ на Ѓоковиќ!

– Доколку не најде друг клуб, тогаш нема да биде лесна ситуацијата за него, затоа што веќе потпишавме со двајца други напаѓачи. Нема место за Милик. Што се однесува до Кулибали, управата ја знае неговата вредност која ја бара од другите клубови и доколку истата не биде исплатена, тогаш нема да си замине – додаде стратегот на „наполитанците“.

За услугите на интернационалецот од Сенегал, Кулибали интерес покажува Манчестер сити.

Поврзани вести

Победнички старт на Ѓоковиќ на турнирот во Виена

Слободен печат

Претседателот на ФИФА позитивен на коронавирус

Слободен печат

Објавена листата на најбрзи фудбалери, Мбапе нема конкуренција

Слободен печат

Мурињо во елемент: Во Тотенхем нема место за примадони

Слободен печат

Барселона поради Бартомеу не го донесе Халанд пред три години, го избркал директорот кој договарал трансфер

Слободен печат

За да не загуби 500 милиони долари, сезоната во НБА ќе стартува пред Нова година

Слободен печат

Остави Коментар