Гасол на својот 40. роденден се дружеше со ќерките на Коби
Шпанскиот кошаркар во понеделникот го прослави 40. роденден, а денот го помина со ќерките на трагично загинатиот Коби Брајант.
Гасол и Коби заедно освоија две шампионски титули и играјќи заедно во ЛА Лејкерс станаа нераскинливи пријатели. Трагедијата и загинувањето на Коби заедно со ќерката Џиана и уште седум патници во хеликоптерска несреќа која се случи на 26 јануари, го скрши Шпанецот, но на сопругата на поранешниот соиграч и вети дека ќе се грижи за неа и нејзините ќерки.
– Коби ми е како постар брат, личност на која можев да сметам, да се потпрам и на кого можев да му се обратам за се, Бевме блиски пријатели кои се респектираа меѓу себе – зборуваше Гасол за пријателството со Коби Брајант.
Pau Gasol spending time with Kobe’s daughters is so heartwarming.
(via vanessabryant/Instagram) pic.twitter.com/bzuOjx0vjQ
— SportsCenter (@SportsCenter) July 7, 2020
Гасол си го одржа ветувањето и својот 40. роденден го прослави така што се дружеше со ќерките на Коби, Наталија, Бјанка Бела и Капри.
„Среќен роденден вујко По. Девојките Брајант те сакаат. Знам дека Коби сакаше да ти каже „среќен роденден, Пабло. Те сакам брату“, напиша Ванеса Брајант на Инстаграм.