Гаши: Убеден сум дека ќе ја донесеме најдобрата одлука за граѓаните, државата и за нас

Африм Гаши
Африм Гаши /Фото: Драган Митрески/ Слободен пеат

Алтернатива ќе влезе во владата ако се усогласат програмските, но и кадровските решенија, порачаа премиерот Заев и лидерот на Алтернатива по првата средба. Идната недела ќе продолжат разговорите. На маса биле и можните кадровски решенија за кои и Алтернатива, но и СДСМ и владините партнери ќе треба да разговараат, за опозициската партија дали се прифатливи, а за власта дали се подготвени да отстапат места за Алтернатива да влезе во владата.

-Нашата покана е Алтернатива да биде дел од Владата. Таргетот пред нас се редовни избори, а не вонредни. Продолжуваат разговорите следната седмица. Како нешто ќе утврдиме, така и ќе ја информираме јавноста, рече Заев.

Претседателот на Алтернатива изјави дека сакале да го видат концептот на Заев, и кои би биле следните чекори во евроинтеграцијата. Кажа и дека внатре во партијата ќе разговараат што понатаму. Ќе водат сметка за интересот на граѓаните, државата, Албанците, и за партијата.

Заев во вторник ја најави партиската оставка и кaко што веќе објави „Слободен печат“, ќе има нов лидер и нов мандатар кој ќе формира нова влада. Според Заев, добро би било идниот лидер на СДСМ да биде и новиот мандатар.

-Очекуваме кој и да е наследникот на премиерот да ги почитува одлуките на Алтернатива ако партијата стане дел од владата, изјави Африм Гаши.

Почна средбата Заев-Гаши за можен влез на Алтернатива во Владата

Извор: МИА

Видео на денот