Гамбиецот Маронг од Црвена звезда во Академија Пандев
Како што соопштуваат од фудбалскиот клуб на Академија Пандев нивно најново летно засилување е Оусман Маронг.
Овој играч доаѓа од Гамбија кој досега ги бранеше боите на српскиот шампион Црвена звезда.
Маронг потпиша договор на две години со струмичкиот клуб и во тек е неговата регистрација за право на настап.
– Се работи за 22-годишен играч кој подеднакво добро се снаоѓа на позициите офанзивен играч за врска и крилен напаѓач. Му посакуваме многу голови и асистенции во плаво-белиот дрес – информираат од ФК Академија Пандев.
Белградските „црвено-бели“ го испраќаа на позајмица во Графичар каде што запиша 37 настапи и седум голови, како и во израелскиот Хапоел Ра`анана со 15 настапи и два погодоци.
На стартот од новата натпреварувачка сезона во Првата македонска лига Академија Пандев ремизираше дома 1:1 со Струга Трим Лум. Во следното второ коло на 15 август од 17.00 часот играчите на тренерот Александар Васоски се домаќини на Работнички.