ГАЛЕРИЈА | Запознајте се со скопска „Матра“: За промена ти треба „желудник“
Периодов сè почесто среќаваме нови лица во нашиот етер, секој од нив со својата приказна – слушаме нови звуци, сведочиме за нови стилови, учиме нови поими, се инспирираме од нови креации, влегуваме во нови, возбудливи светови обоени во автентичност, кои поттикнуваат промена кон подобро утро. Се чини дека целиот „микс“ на измешани пандемиски чувства вроди вреден плод кај многумина млади луѓе, кои буквално одлучија да ги преземат работите во свои раце, па така, сè почесто дознаваме за нови, мали бизниси „зачнати“ од млади, храбри луѓе што целат на квалитет, а не квантитет.
Денеска ве запознаваме со едно такво скопско креативно дуо. Како концепт, создадено е летово, а реализацијата отелотворена во „Матра“ се случила оваа есен. Инспирацијата се црпи од насекаде, но примарно од духот на градот, секојдневието, етно-историјата, меланхолијата на архитектурата и желбата за модерна прогресија во нашиот простор на живеење, велат нашите денешни соговорници.
Креаторите на „Матра“, Аника Иловска и А.П., се млади естети кои транспонираат различни ернергии и финеси, но преку соединувањето на нивната севозможност проникнува кохезија, која може да се окарактеризира како нивното најмоќно тајно оружје. Откако го забележавме нивниот автентичен пробив во сајбер-сферата, решивме да го посетиме креативното студио каде што тие творат, со цел да дознаеме нешто повеќе за духот и целта на „Матра“, маркетинг консултинг студио што нуди мултидисциплинарни услуги.
Што е „Матра“ и кој е темелот на вашата дејност? Што може „Матра“ да му понуди на нашето општество?
Аника: Матра е креативен простор што овозможува креативни маркетинг услуги од повеќе видови: „brand identity“ (бренд идентитет), „concept development“ (развој на концепти), „product design development“ (развој на дизајн) , фотографија, видеографија, дизајн на лого, уметнички колаборации и ивент менаџмент. Автентичен пристап од различна гледна точка на естетиката за потребите на клиентот, темелена на „tailor-made“ (по мерка) концепт, произлезена од тет-а-тет пристап.
А.П.: Креативен колектив што испорачува префинета естетика преку реален пристап. Здивот на бетонот, окото на сировоста интерпретирано преку креативни решенија во маркетинг консалтинг дизајн сфера.
Зошто „Матра“? Од каде проникна идејата и инспирацијата за ваков проект? Што ја прави „Матра“ различна од останатите?
Аника: Името „Mатра“ е сленг (скратеница) од матрица, односно патерн на дејствување, начин на живот, начин на општење. Инспирацијата за Матра произлезе од слични интереси, а различни вкусови. Чувство на дефицит поради недоволно автентични решенија на пазарот. Желбата за солуција, поместување на границите на понудените решенија. Промена на статус кво.
„Матра“ чувствува потреба за културен придонес во секојдневието и опшеството и затоа дава акцент за колаборативно дејствување со млади поединци од која било креативна и културолошка сфера. Манифестира преку брендови со доволно прогресивна визија за компактабилност во креативниот пристап.
А.П.: Затоа што е самостојна и своја. Идејата произлезе од емоција, а инспирацијата од афинитет кон префинета естетика и недостиг од истата. Она што ја прави различна „Матра“ од другите е тоа што се темели на емоција и принцип. А за таква промена треба „желудник“.
Тенденциозно ја заобиколивте помпезноста и наместо тоа, почетокот на вашата дејност го претставивте со автентичен концепт. Раскажете ни за вашиот прв настан, кој неодамна се одржа во Speak Easy.
Заедно: Целевме нашето запознавање со јавноста да биде доволно доверливо и интимно, па затоа и настојувавме настанот да добие таква суштина. Низ процесот и креирањето на овој наш проект под пвсевдонимот „Матра“, инволвирани беа, директно и индиректно, многу наши познаници од сферата на креативните дејности, што преку соработки, што со размена на мислења и идеи низ цел тој процес.
Настојувавме да го обесмртиме целиот придонес и успеавме во тоа преку креативно творештво. Така, на нашиот неформален промо-настан им поделивме парче уметност на нашите гости, како интерактивен промо-материјал, а со тоа им ја преточивме нашата визија, но и визијата на создавачот.
Аника, раскажи ни нешто повеќе за тебе и за твојот придонес во „Матра“?
Аника: Верувам дека имам сенс и потенцијал за различен приказ на естетика и дизајн. Воедно, сметам дека различноста во нашата естетска склоност доведеде до конектирање и компактибилен развој на услуги и продукти. Со создавање на мои парчиња, посериозно почнав да се занимавам откако започнав да посетувам приватни часови за шиење и дизајн, а тоа вроди со мојот прв личен продукт. Шик блејзер и панталони со DIY филинг.
А.П., раскажи ни нешто повеќе за тебе и за твојот придонес во „Матра“?
Продукт на сопственото опкружување, поетски кажано од тротоар до пентхаус, и назад. Придонес од ѓаволот на десното рамо на Матра, мојот пристап е „вилански“.
Преку зачувани фотографии од вашата галерија, покажете ни што ве мотивира и инспирира периодов?
Аника:
Сегмент од модната ревија на Коперни, којашто ме воодушеви со нејзиниот симболизам и нетрадиционален пристап кон модата, буткајќи ги границите со нивното несекојдневно решение
А.П.:
Заедно: Скопје како неисцпрна инспирација. Фотографии што ги направивме во рамки за „Матра“
На што работите во моментов?
Аника: Моментално работам на усовршување на моите вештини поврзани со шиње и дизајн, а фокусот е на дејностите поврзани со услугите што ги нуди „Матра“ во областа на гастрономската, културната и опшествената сцена. Дел од нашата досегашна работа е достапна на нашиот инстаграм-профил @matrastudio.
А.П.: Концизно претставување на имиџот на „Матра“, одржување на посакуваното ниво и тежнеење кон истото.
Што може да очекуваме од „Матра“ во иднина?
Аника: Придонес и прогрес кон искрениот пристап.
А.П.: Тоа што ретко кој има желудник да го реализира преку таков пристап.
Заедно: Сè што можеме да откриеме во моментов е потенцијална сорaботка за интерактивен настан со етаблирана опшествена културна установа.
View this post on Instagram