19 C
Скопје

ГАЛЕРИЈА | СТУДИО 90 – Скопски дом со фокус на голема библиотека која се протега на ѕидот

Изведбата на проектот е од скопското архитектонско студио „Студио 90“

Претставениот простор е приватен дом во населба Карпош во Скопје.

Целта на овој внатрешен дизајн е да го облагороди и организира просторот на најдобар можен начин, без притоа да предизвика промени во постоечката организација на станот. Проектот е главно ориентиран кон дизајнирање на опремата и како истата најсоодветно да се вклопи во затекнатото функционално решение на просторот.

Фото: Студио 90 / Марко Костовски

На почетокот на самиот стан, непосредно до влезот се лоцирани малиот гостински тоалет и кујната, организирана во два сегмента, а ограничена со работен и послужувачки пулт. Просторот покрај влезот е максимално искористен за одлагање, а во еден сегмент вратите го сокриваат пристапот до помошната соба каде се поставени уредите за одржување на домаќинството.

Отворената кујна е поврзана со просторот на трпезаријата и делот на дневната соба.

Фото: Студио 90 / Марко Костовски

Во трпезарискиот простор, фокусот е на големата библиотека која се протега на ѕидот во продолжение на еден сегмент од кујната. Наместо регуларниот и познат изглед на библиотека, ова парче мебел добива специфичен дизајн. Основната ортогонална решетка е поделена на нееднакви полиња, при што некои од полињата се затвораат со вратичка, и може да се користат за одлагање на предмети и покуќнина во функција на трпезаријата. Со намера да се постигне баланс во обработката на ѕидните површини, од спротивната страна на библиотеката поставена е облога од парчиња мермер.

Фото: Студио 90 / Марко Костовски

Патем, во дизајнот на мебелот се забележува отсуството на секакви украси и непотребни декорации. Наспроти тоа, сета опрема е решена во неколку потези, со особен акцент на едноставноста и функционалноста.

Фото: Студио 90 / Марко Костовски

Кога станува збор за материјалите и бојата, доминираат скандинавско-сиви тонови, стоплени со детали од дрвена обработка низ целиот ентериер. Испреплетени низ целиот дом, создаваат атмосфера на удобност и придонесуваат за современиот карактер на овој простор за живеење.

Фото: Студио 90 / Марко Костовски

Вештачкото осветлување е поставено на многу внимателен и суптилен начин. Со минимални интервенции, вградените плафонски светла и едноставните лустери се појавуваат само онаму каде што се навистина потребни. Без намера да доминираат, се поврзуваат со останатиот дел од ентериерот, со едноставните геометриски форми и во истите темносиви тонови.

Фото: Студио 90 / Марко Костовски
Фото: Студио 90 / Марко Костовски
Фото: Студио 90 / Марко Костовски
Фото: Студио 90 / Марко Костовски

Поврзани вести

ФОТО: Шерон Стоун воодушевува во едноделен костим за капење

Слободен Печат

Најдобрите македонски диџеи: 9 мај – резервиран за „Фјужн фестивал“

Слободен Печат

Актерот Метју Пери флертувал со 19-годишна девојка: Дали сум стар колку татко ти?!

Слободен Печат

Сара Мејс сподели семејна фотографија: Само ние четворица – па веднаш следеа дополнителни прашања

И. Т.

Вкусни идеи: Како да ги искористите останатите вапсани јајца

Слободен Печат

Вежбање за време на бременоста: Зошто пилатесот е корисен за трудниците?

Остави Коментар