ГАЛЕРИЈА: Фудбалерите пристигнаа во Скопје, навивачите му се поклонија на Гранде Пандев
Авионот со фудбалската репрезентација на Македонија пред нешто повеќе од еден час слета на скопскиот аеродром, а спортските херои беа пречекани навивачите.
Неколку стотици фанови, меѓу нив беше и „највисокиот“, претседателот на КФМ, Перо Антиќ, беа на Меѓународниот аеродром во Скопје за да ги поздрават Пандев, Мрме, Џани, „дијамантот“ Елмас, Енис, Столе, Адеми, Ристовски и останатите кои иако загубија на сите три натпревари воопшто не разочараа, напротив ги освоија симпатиите на сите, а аплаузите од „фалангата“ по секој натпревар, ги имаше и при слетувањето.
Навивачите му се поклонија на Горан Пандев кој вчера го одигра последниот натпревар во дресот на македонската репрезентација, но не беа заборавени ниту останатите фудбалски херои.