ГАЧА: Го имаме најлошиот селектор во историјата!
Голманот на „црвено-црните“ без потребно на нешто повеќе од 24 часа ја влошува атмосферата пред дуелите со Словенија и Полска.
Филип Гачевски говорејќи за словенечкиот медиум „Ekipa.si“ вели дека Игор Ангеловски е најлошиот селектор кој го имала еден сениорска фудбалска репрезентација.
– Го имаме најлошиот селектор во историјата, тој е катастрофа. Тој мисли дека сѐ е негово“ – рече Гачевски.
Гачевски (29) е роден во Мурска Собота (Словенија), професионалната кариера ја започна во редовите на Мура, потоа ги бранеше боите на австрискиот Капфенберг. Па, на позајмица во Лустенау, член на Брегалница, а од 2015 година е дел од Вардар каде што моментно ја носи капитенската лента.
Популарниот Гача имаше 15 настапи за У21 репрезентацијата на Македонија, но ниту еден досега за сениорите.
Една и пол година беше само резерва во националниот тим, а потоа поради лоша дисциплина беше отстранет од селекцијата.
– Зошто не сум дел од репрезентацијата? Не сакам сега да ги споделам деталите, некој друг период. Дисциплината беше прекршена од пет-шест репрезентативци, но јас само без казнет – додаде Гачевски.
Непосредно пред мечот в четврток ги предупреди Словенците дека треба да внимаваат на талентираниот фудбалер, Елиф Елмас.
„Што се однесува до натпреварот, навивачите можат многу да им помогнат на македонските репрезентативци, свесни дека мечот е од големо значење. Се очекува да ги има околу 20.000 на трибините, можеби и повеќе. Што се однесува до најголемата опасност, таа доаѓа од Елиф Елмас, еден навистина голем талент, затоа е и моментно дел од Наполи – додаде Гачевски.