Г20 издвои повеќе од 21 милијарди американски долари за борба против коронавирусот.

„Г20 ги координираше глобалните напори за поддршка на борбата против пандемијата COVID 19. До денес, членките на Г-20 и поканетите земји издвоија повеќе од 21 милијарди долари за поддршка на финансирањето во глобалното здравство“, се вели во соопштението на групата.

Средствата се фокусирани на дијагностика, вакцини, терапија и истражување и развој, се додава во соопштението.

Во април, групата ги повика сите земји, невладини организации, филантропи и приватниот сектор да помогнат во покривањето на недостигот на пари за финансирање на борбата против коронавирусот.

Г-20 е неформален форум што ги собира министрите за финансии и гувернерите на централната банка од 20 економии: 19-те најразвиени национални економии и Европската унија како посебен ентитет.

Според последните податоци, околу 400.000 лица починаа,, а над 6.68 милиони луѓе се заразени со Ковид-19.