Еден од фаворитите за медал на претстојното Светско првенство во Кина доминантно го отвори дуелот со серија од 12:0 по што целосно го контролираа натпреварот.

До паузата Шпанците со добра игра во нападот и одбраната стекнаа позитива од +16 (51:35), а пред завршната четвртина беше и големи 82:50 на семафорот.

До крајот на средбата беше само рутина, а прв стрелец во триумфот беше плејмејкерот Рики Рубио со 20 поени и шест асистенции, следен од Вили Ернангомес со 13 поени, Марк Гасол (12), а Хуанчо Ернангомес додаде 11 поени и седум скокови.

На спротивната страна доминираа Роналдо Робертс јуниор и Елој Варгас по 11 поени.

Шпанија на СП кое стартува на 31 август е во групата Ц со селекциите на Иран, Тунис и Порторико, додека Доминикана е во групата Г со Франција, Германија и Јордан.