Фулам е последниот учесник во Премиер лигата (ВИДЕО)
Вечерва го дознавме и последниот патник во Премиер лигата следната сезона, а тоа е екипата на Фулам.
На денешниот натпревар одигран на „Вембли“ стадионот во Лондон, составот на Фулам после продолженијата успеа да го совлада Брентфорд со 2:1.
Стрелец на првиот гол беше Брајан во 105 минута, од слободен удар сите очекуваа да пронајде еден од неговите тимски колеги, но го измами голманот кој погрешно процени и дозволи лесно да биде затресена неговата мрежа.
Истиот играч ја зголеми предноста во 117 минута после асистенцијата на српскиот интернационалец Митровиќ. Брентфорд само успеа да го ублажи поразот преку Далсгаард (120+4).
Така, преку плејофот Фулам е третата екипа од Чемпионшип која успеа да обезбеди „билет“ за Премиер лигата, после Вест Бромвич и Лидс на македонскиот репрезентативец Езгјан Алиоски.
Сите 20 учесници во новата сезона од Премиер лигата (2020/2021):
Арсенал, Астон Вила, Брајтон, Барнли, Челси, Кристал Палас, Евертон, Фулам, Лидс, Лестер, Ливерпул, Манчестер сити, Манчестер јунајтед, Њукасл, Шефилд јунајтед, Саутемптон, Тотенхем, Вест Бромвич, Вест Хем, Вулверхемптон.