Фудбалски земјотрес, Халанд се договори со Реал Мадрид
Фудбалерот на Борусија Дортмунд и репрезентативец на Норвешка, Ерлинг Халанд се договори со Реал Мадрид за трансфер ова лето. Оваа информација ја пренесе италијанскиот новинар Алфредо Педула кој објави дека Халанд ги договорил личните услови, и останува уште клубовите да се договорат околу обесштетувањето.
Борусија Дортмунд бара 175 милиони долари, но доколку германскиот тим не ги намали апетитите, тогаш наредната година Халанд ќе си замине за само 75 милиони евра.
Оваа вест претставува големо изненадување бидејќи најавите беа дека Реал Мадрид во летниот преоден рок планираше да го ангажира Килијан Мбапе.
Желбата на претседателот на Реал Мадрид е на „Сајтијаго Бернабеу“ да ги донесе и Халанд и Мбапе, но и самиот е свесен дека поради финансиската криза предизвикана од пандемијата на коронавирусот, нема да може да ги реализира двата трансфери во една година и планира ова лето да донесе еден од нив двајца, и идната година да го ангажира и вториот напаѓач.
#Haaland: accordo con il #Real. Ora bisogna trovare intesa con #Dortmund che fa muro e chiede 175. Nel 2022 lo perderà a circa 75
— Alfredo Pedullà (@AlfredoPedulla) June 21, 2021