По страшните сцена од Печуј, Унгарија, каде хулиганите го прекинаа натпреварот помеѓу истоимениот клуб и хрватскиот второлигаш Цибалија, реагираше домашниот тим. Печуј одлучи јавно да се откаже од своите навивачи:

„Минатиот викенд пријателскиот натпревар со Цибалија за жал беше прекинат поради нередите кои ги предизвикаа организирани групи на унгарски и хрватски навивачи. Инцидентот се случи за време на пријателскиот натпреар на кој беа присутни и навивачи кои сакаа да гледаат фудбал, постари луѓе и деца. Веруваме дека насилството не смее да биде дел од ФК Печуј, па поради тоа се откажуваме од сите навивачи кои со своето однесување предизвикаа страв кај останатите. Заедно со обезбедувањето ќе даде се од себе за вакви проблеми нема да се повторат и ќе спроведеме интерна истрага“, стои во соопштението на унгарскиот тим.

На натпреварот помеќу Печуј и Цибалија, на 15-тина минути пред натпреварот, домашните навивачи откако видеа дека има околу 50 навивачи на хрватскиот тим, влегоа на теренот наоружани со безбол палки и започнаа физичка пресметка. На крајот полицијата уапси 41 хрватски и три унгарски хулигани.