Фудбалска „бомба“ во Шпанија: Антоан Гризман се враќа во Атлетико Мадрид
Никој не можеше ниту да претпостави дека ова ќе се случи, и тоа на последниот ден од летниот рок 2021, Антоан Гризман повторно ќе го носи дресот на Атлетико Мадрид!
Атлетико го помина целиот преоден рок во потрага по напаѓач кој ќе го замени Диего Коста и воедно му помогне на Луис Суарез.
Најголемата желба беше Душан Влаховиќ, кого Фиорентина не сакаше да го пушти од клубот, па Атлетико се сврте кон стариот познаник – францускиот репрезентативец Гризман.
Барселона падна под огромни финансиски проблеми, за што сведочи фактот дека не успеа да го продолжи договорот со Лионел Меси.
Antoine Griezmann back to Atletico Madrid, HERE WE GO! Agreement now completed with Barcelona. Loan until June 2022 with buy option for €40m. ⚪️🔴 #Atleti #DeadlineDay
Griezmann has agreement for two years contract plus one option. He’s BACK at Atléti. Shocking move of the day. pic.twitter.com/kBQAkgQyLt
— Fabrizio Romano (@FabrizioRomano) August 31, 2021
Поради новите правила во лигата, поточно постоењето на „селери кеп“ (договор или правило што поставува ограничување на сумата на пари што тимот може да ги потроши за платите на играчите) Барселона мора да продава играчи, а изборот падна на Гризман.
Според информациите, Гризман ќе биде позајмен во Атлетико до крајот на сезоната, со опција „јорганџиите“ да го откупат за 40 милиони евра.