Колевката на фудбалот, Англија, никогаш не пропушта можност да укаже на тоа дека тие се најзаслужни за постоењето на фудбалот и дека тие се во светскиот фудбалски крем, но повеќе од еден век им носат само разочарувања на своите навивачи.

Последниот голем успех на англиската репрезентација е триумфот на СП 1966 година кое се одржа токму во Англија, и веќе 54 години сонуваат трофеј од големите натпреварувања.

Сепак, се чини е се поблизу крајот на разочарувањата на навивачите на Гордиот Албион бидејќи селекторот Герет Саутгејт има на располагање неверојатно талентирана репрезентација која може да владее во фудбалот.
Првиот тест е за 12 месеци и Европското првенство кое требаше да се одржи годинава но е одложено поради пандемијата на коронавирусот.

Селекторот Саутгејт веќе располага се одличен тим кој има по барем три солидни алтернативи за секој фудбалер, а податокот дека голем број од нив сè уште имаат право да играат и за младата репрезентација ги враќа насмевките и надежите кај навивачите.

Голмани: Хендерсон, Пикфорд, Поуп

Голманот на Манчестер јунајтед кој сезонава брани за Шефилд јунајтед како позајмен играч веќе му го зеде местото на Пикфорд и дресот со број еден во репрезентацијата.

Десни бекови: Александер-Арнолд, Ван Бисака, Вокер, Џејмс

Фудбалерот на Ливерпул е незаменлив дел од првиот тим во репрезентацијата, Александер-Арнолд веќе израсна во еден од најдобрите дефанзивци на светот, но Саутгејт има достојна замена за него во бекот на Јунајтед, Ван Бисака.

Стопери: Гомез, Стоунс, Кин, Мегваер, Томори, Мингс

Капитенот на Јунајтед, Хари Мегваер е предводник на одбраната на Гордиот Албион која според експертите е најлабиот дел од репрезентацијата.

Леви бекови: Чилвел, Шо, Роуз

Бен Чилвел за кого се тепаат најголемите англиски екипи, оваа сезона со игрите за Лестер покажа дека моментно е најдобар лев бек во Англија и одлично решение за наредните 10-тина години.

Среден дефанзивен ред : Хендерсон, Рајс, Винкс, Даер

Капитенот на Ливерпул е душата на репрезентацијата кој сезонава покажа дека е универзален играч кој може да одговори на секоја задача на тренерите или селекторот.

Десни крила: Окслејд-Чембрлен, Али, Маунт, Лофтус-Чик

Фудбалерот на Ливерпул е прв избор на селекторот Саутгејт, но Англија нема потреба да стравува од евентуална повреда на Окслејд-Чембрлен бидејќи има одлична замена.

Леви крила: Фоден, Медисон, Грилиш, Баркли

Фил Фоден е на добар пат да стане вистинска ѕвезда на англискиот фудбал и се повеќе ја добива довербата од менаџерот на Сити, Пеп Гвардиола, а во иднина го очекува жестока борба со Медисон и Грилиш за место во репрезентацијата.

Напад: Стерлинг, Санчо, Гринвуд, Рашфорд, Сака, Нелсон, Сесењон, Кејн, Абрахам, Калверт-Луин

Нападот е најсилниот дел од англиската репрезентација каде лидер е играчот на Тотенхем, Хари Кејн од кого највеќе се очекува дека уште наредната година ќе донесе трофеј, тој од ЕП.