Фудбалерите на Барселона ја загубија довербата во Кике Сетиен: Тој не е човек за голем клуб
Ѕвездите на каталонскиот клуб не го сакаат Сетиен на тренерската клупа, тврди Каталонско радио.
Поразот од Реал Мадрид сè уште е топ тема во Барселона, а моментно на удар е тренерот Кике Сетиен кој се чини дека нема долго да седи на клупата.
Сетиен седна на тренерското столче на почетокот од јануари кога го наследи Ернесто Валверде, но во два месеци не донесе речиси никакви промени во играта на екипата.
Дополнителни проблеми за Сетиен му зададоа и самите фудбалери на шпанскиот шампион кои сметаат дека тој не е дораснат за да биде тренер на фудбалски гигант како што е Барселона и сакаат на крајот од сезоната да си замине, тврди Каталонско радио.
? El vestidor del Barça s’està distanciant de Quique Setién i el seu cos tècnic? El @ClubMitjanit explica que alguns jugadors “no hi confien” per portar un equip d’aquestes dimensions https://t.co/JuClwBeE44 pic.twitter.com/vXZeR6cFHW
— Catalunya Ràdio (@CatalunyaRadio) March 4, 2020
Според радиото, често помеѓу фудбалерите може да се слушне дека Сетиен и неговите помошници
не знаат како да ја водат екипата, посебно во дерби натпреварите.
Барселона ги загуби речиси сите дерби натпревари, а згора на тоа има три порази во шест гостински натпревари. Посебно болен за навивачите но и самите фудбалери на каталонскиот клуб е неделниот пораз од Реал Мадрид.
Барселона исто така испадна од шпанскиот Кралски куп, а во првиот осминафинален натпревар во Лигата на шампионите, одигра само 1:1 против Наполи.