Фудбалер на Реал ја менува сопругата за трофејот во ЛШ, веднаш доби одговор
Утревечер ќе биде спуштена завесата во европскиот фудбал со одигрување на финалето во Лигата на шампионите во кое ќе се сретнат Реал Мадрид и Ливерпул. И двете екипи имаат шанса сезоната да ја завршат со три трофеи, Ливерпул досега победи во ФА Купот и Лига Купот, додека Реал Мадрид ја освои титулата во Ла Лига и победи во шпанскиот Суперкуп.
Фудбалерите на двете екипи се сконцентрирани само на победата, а за тоа колку триумфот им е важен за играчите, најдобро покажува изјавата на уругвајскиот репрезентативец Федерико Валверде, со која ја насмеа шпанската и европската јавност.
– Ова е единствениот трофеј по кој копнее секој фудбалер на светот. Подготвен сум да жртвувам сè за да дојдам до трофејот, па дури и сопругата, освен мојот син – изјави Валверде.
Фудбалерот на Реал не чекаше долго време на одговор од сопругата, новинарката Мина Бонино која слична желба.
– И јас би го жртвувала него за уште една титула на Ривер Плата во Копа Либертадорес – му одговори Мина Бонино на својот сопруг.