Фросина Ременски во Москва (ФОТО)

Фото: МИА

Потпретседателката на Собранието на Република Северна Македонија, Фросина Ташевска Ременски и генералната секретарка Цветанка Иванова ќе учествуваат на Вториот меѓународен форум „Развој на парламетаризмот“, што ќе се одржи од 1 до 3 јули 2019 година во Москва, во организација на Државната дума на Федералното собрание на Руската Федерација.

Ташевска Ременски на социјалните мрежи објави фотографии од неформалниот дел на посетата.

Главна цел на Форумот, на кој покрај претседатели на парламенти и пратеници, ќе учествуваат и експерти и претставници на граѓанското општество, е изнаоѓање на ефикасни законодавни решенија и одговори на глобалните предизвици.

Во рамките на Форумот ќе бидат разгледани актуелни прашања за меѓународната безбедност и стабилност, законодавната поддршка за развој на дигиталната економија, борбата против лажните вести, политиката за заштита на животната средина, улогата на младите во развојот на парламентаризмот, перспективите на меѓупарламентарните инситуции, улогата на пратениците во меѓународното хуманитарно право и хуманитарната соработка, можностите за споделување на најдобрите практики од националните законодавства и други приоритетни области од меѓупарламентарната соработка.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот