Руската армија напредува кон Покровск, но сè уште има време да се спаси клучниот град во Источна Украина. Аналитичарите претпоставуваат дека Русија ќе стигне до Покровск во средината на септември, а постојат стравувања дека Владимир Путин може да одговари на паралелниот упад на Украина во рускиот регион Курск, бидејќи двете страни ги преместуваат своите сили – Украина во одбрана на Покровск, а Русија од Покровск до Курскиот регион.

Источниот украински град Покровск, каде што пред војната живееја околу 60.000 луѓе, забрзано се празни.  Главната линијата на фронтот во моментов е на помалку од 10 километри од градот. Украинскиот претседател Володимир Зеленски неодамна изјави дека ситуацијата во близина на Покровск, каде што Русија ги концентрира своите најголеми сили, е „исклучително тешка“. Украинскиот Генералштаб пак извести дека само во текот на еден ден украинската армија успеала да одбие 58 руски руски напади кај Покровск.

Russian forces recently advanced southwest of Donetsk City amid continued Russian offensive operations in the area on September 1.

Geolocated footage published on August 31 indicates that Russian forces recently advanced in northeastern Kostyantynivka. A Russian milblogger… https://t.co/BB494Ttacu pic.twitter.com/e98JkSA9ql

— Institute for the Study of War (@TheStudyofWar) September 2, 2024

Падот на Авдиевка го овозможи брзиот напредок на Русите

Институтот за проучување на војната (ISW) потврди дека „руските сили продолжуваат да прават значителен тактички напредок југоисточно од Покровск“.

Покровск е од големо значење за Украина, бидејќи се наоѓа на раскрсницата на две рути за снабдување и обезбедува витален пристап до други жаришта како што се Часив Јар и Торек. Жителите на околните места со причина го нарекуваат „патот на животот“. Градот е исто така клучен центар за украинската војска, благодарение на неговиот лесен пристап до Костијантинивка, уште едно воено жариште.

– Покровск го формира столбот на украинската линија за снабдување од Вуледар до северниот дел на регионот Доњецк. Брзото напредување на руските војници во оваа област стана возможно по падот на Авдијевка – изјави за Дојче веле австрискиот полковник Маркус Рајснер.

Најлошото можно сценарио – целосна окупација на Доњецк

Русите во февруари ја зазедоа Авдиевка, град во Донбас, на околу 25 километри источно од Покровск. Градот беше тврдина која требаше да ги штити градовите, железниците и патиштата на западот на Украина, но од февруари Покровск ја презеде таа улога. Сега, кога Русите пробија две одбранбени линии и се приближуваат кон оваа последната, која е најдобро организираната украинска борбена линија, рече Рајснер.

Сегашната  ситуација  околу Покровск е сложена, делумно затоа што руските сили не треба да ја преземат контролата врз самиот град за да го оштетат логистичкиот центар – штом ќе стигнат до периферијата, украинските рути за снабдување ќе бидат лесна цел за руската артилерија.

– Нема сомнеж дека руските сили ќе се обидат да го срамнат со земја градот и неговата логистика. Најлошото можно сценарио по заземањето на Покровск би било целосна руска окупација на регионот Доњецк – изјави за ДВ Густав Грезел, воен експерт на Европскиот совет за надворешни односи (ЕЦФР) од Берлин.

Сепак, украинските сили би можеле да ги блокираат нивните копнени коридори доколку руските војници стигнат до линијата Покровска, изјави за ДВ Михаило Самус, директор за меѓународни односи во Центарот за воени студии во Киев.

Украинската бригада Кара-Даг итно  префрлена во одбрана на Покровск

Во меѓувреме, украинската бригада Кара-Даг, која брои околу 2.000 војници, наводно е префрлена на својата  вообичаена позиција во Јужна Украина, на источниот фронт. Според „Форбс“, Украина итно ја распоредила оваа бригада – клучна офанзивна единица – за да ја зајакне одбраната околу Покровск.

Ова ја истакнува критичноста на ситуацијата околу Покровск, чија одбрана – како витална точка за дистрибуција на украинските сили во Доњецк – е од суштинско значење за Киев.

Аналитичарите, пишува „Форбс“, претпоставуваат дека Русите во септември ќе стигнат до Покровск и неговите клучни линии за снабдување. Во четвртокот, руските војници го подигнаа знамето над минскиот комплекс на северниот раб на Новохродивка, што е нивно најоддалечено напредување долж оската Авдиевка-Покровск долга 40 километри од февруари.

Сега само еден главен ров стои меѓу напредните Руси и Покровск.

Не е јасно дали Украинците распоредиле доволно војска во тој сектор за да го наполнат ровот со војници. „Форбс“ наведува дека украинската армија имала резервни бригади кога рускиот напад на Покровск се забрзал во август.

Но, наместо засилување на истокот, украинскиот Генералштаб испрати некои – или сите осум бригади – преку границата во руската област Курск во ненадејна офанзива што започна на 6 август. Оттогаш, тие окупираа повеќе од 1.000 квадратни километри територија.

Русите ќе стигнат до Покровск во средината на септември

Според весникот, се чини дека Русите веруваат дека Украина има околу пет бригади во резерва, но тие се невообичаено отсутни од Покровск – можеби затоа што Киев планира да ги испрати и во Курск. Наместо тоа, украинската одбрана меѓу Авдијивка и Покровск продолжува да зависи од истата исцрпена бригада што се бори долж оската од февруари – елитната 47-ма механизирана бригада. Единицата од 2.000 војници тргна во борба на исток во февруари со сите 31 тенкови што САД му ги ветија на Киев минатата година. Денес, бригадата е сведена на можеби половина од тенковите „абрамс“ кои ги поседуваше, наведува  „Форбс“.

– Може да се претпостави дека непријателот ќе стигне до градот во средината на септември – но нема да можат да го заземат. Отворениот терен, кој не е поволен за офанзива, и потенцијалните контранапади од областите Селидово (на југ) и Костаинтинивка (на север) ќе го забават нивното напредување – велат од Центарот за одбранбени стратегии на Украина.

Но, како што пишува „Форбс“, на тој простор нема доволно украински војници за одбрана, а камоли за напад. Како што е познато, се наведува, во одбрана стојат само 12.000 војници.

Освојувањето на Курск – главен приоритет

Некои набљудувачи се прашуваат зошто Украина не распоредува повеќе од своите резерви за одбрана на Покровски. Рускиот коментатор Евгениј Норин истакна дека додека некои украински единици се ангажирани во офанзивата во Курск, други остануваат во резерва. Ова доведе до шпекулации дека Украина би можела да му даде приоритет на Курск пред одбраната на Покровск. Таквата одлука, како што пишува „Киев пост“, е „коцкање“ со високи влогови во поширокиот стратешки пристап на Украина.

Бавниот одговор на Путин на првата странска окупација на руска територија по Втората светска војна, сугерира дека тој е повеќе фокусиран на можностите што украинскиот упад во Курск би можел да ги претстави на друго место на линијата на фронтот, пишува „Њузвик“.

– Путин не ги повлекува силите со кои го напаѓа Покровск. Тој се обидува да употреби сили од друго место или едноставно вели: „Во ред, ајде да се справиме со Курск подоцна – сега Покровск е поважен“, изјави за весникот Нико Ланге, поранешен началник на Генералштабот на германското Министерство за одбрана.

И Русија се наоѓа  под притисок

Но, и Русија е под притисок. Додека многу бригади кои би можеле да ја зајакнат одбраната на тешките делови на фронтот во Украина моментално се ангажирани во операцијата Курск, аналитичарите на ИСВ укажуваат дека Русија најверојатно ги преселила резервните единици од Покровскиот фронт во областа Курск.

– Руската воена команда можеби прераспоредила ограничени елементи наменети за зајакнување на руската приоритетна офанзивна операција во правец на Покровск со цел да се одбрани од украинската инвазија во регионот Курск – што сугерира дека оперативните притисоци на украинскиот упад во регионот Курск влијаат на руските операции во секој сектор на фронтот -наведува ИСВ.

Што ќе се случи ако и кога ќе падне Покровск – не е јасно. Но, како што заклучи „Форбс“, тоа сигурно нема да им помогне на украинските воени напори, бидејќи руската инвазија врз Украина трае веќе 30-месеци.