Дополнителни 100 експерти од 22 земји на ЕУ во рамки на операција за брза гранична интервенција ќе бидат испратени како засилување на грчко – турската граница. Ваквата информација ја потврди Агенцијата на ЕУ за контрола на надворешните граници – Фронтекс преку соопштение овјавено на официјалниот сајт.

Оваа оперативна интервенција е на барање на Грција и е важен момент за Фронтекс, која сега е ориентирана кон подготовката на постојаниот корпус на европската погранична и крајбрежна стража, се вели во соопштението на прес службата на агенцијата.

Агенцијата посочува дека претходно во Грција беа распоредени над 500 службеници на Фронтекс, како и 11 пловни објекти, дополнителни два авиони и друга опрема.

Операцијата за оперативна гранична интервенција ќе трае два месеца со можност да биде продолжена во случај да се покаже потреба од тоа.