„Фридом Хаус“: Пандемијата го засили надзорот и политичка репресија врз граѓаните

Фото: ifex.org

Владите ширум светот ја користат пандемијата како изговор да го засилат надзорот и подобро да ги сузбијат гласовите на несогласувања преку интернет, се вели во извештај на организацијата за заштита на човекови права „Фридом Хаус“.

Според извештајот, властите во десетици земји ја користеле пандемијата на ковид-19 „за да ги оправдаат проширените овластувања за надзор и ширење нови технологии кои претходно се сметале за инвазивни”.

– Пандемијата ја забрза зависноста на општеството од дигиталната технологија во време кога интернетот станува сè помалку слободен, изјави Мајкл Абрамовиќ, претседател на организацијата чие седиште е во Вашингтон.

– Без соодветна заштита на приватноста и владеењето на правото, овие технологии лесно можат да се претворат во алатки за политичка репресија, додаде тој.

„Фридом Хаус“ констатира пад на слободата на интернет веќе десетта година по ред врз основа на неговиот индикатор, кој опфаќа 65 земји. Шеста година по ред, Кина е на последното место.

Од приближно 3,8 милијарди корисници на интернет, само 20 проценти живеат во земји каде што активностите на интернет се слободни, 32 проценти во земји каде што се „делумно” слободни и 35 проценти во земји каде што не се слободни, покажуваат индикаторите на организацијата.

Во извештајот се констатира забележителен пад во земјите каде властите воведоа прекин на интернет како Мјанмар, Киргистан, Индија или Руанда.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот