Како што пренесува еден од најпознатите француски веб портали „Л`Екип“, од Европската ракометна федерација се разгледува опцијата автоматски да ги одреди четирите екипи учесници на Ф4 турнирот во Келн (Германија) за сезоната 2019/20 доколку не се одиграат осминафиналните и четвртфиналните натпревари од ЛШ поради пандемијата на коронавирусот.

Изворот вели дека поради пандемијата тешко е за верување дека Фајнал-фор турнирот може да се одржи во јуни. Под знак прашалник е дури е дали истиот би бил во текот на летниот период (22/23 август), но очигледно се инсистира да се органира најголемиот ракометен спектакл за оваа сезона.

ЕХФ информираше за контроверзниот план како што го дефинира „Л`Екип“ да се играат осминафиналните и четвртфиналните дуели во јуни, потсетување дека актуелен европски шампион е Вардар кој во осминафиналето за ривал го доби унгарскиот Пик Сегед.

Ligue des champions : Paris, Metz et Brest pourraient se qualifier directement pour le Final Four https://t.co/el32TWq5se pic.twitter.com/opfI5I0Oe7

— L'ÉQUIPE (@lequipe) April 13, 2020

Но, според информациите на „Л`Екип“, од ЕХФ имаат „план Б“ дека е невозможно да се играат средбите од тие фази, па затоа се разгледува опцијата првопласираните и второпласираните од завршените групи „А“ и „Б“ директно се квалификуваат за Ф4 турнирот во Келн.

Тоа значи дека екипите на ПСЖ, Барселона, Кил и Веспрем на македонскиот репрезентативец Дејан Манасков би биле автоматски сместени во борбата за трофејот.

Французите и на репрезентативно ниво сакаат по скратен пат да обезбедат настап на наредниот Мундијал кој што треба да се одржи во Египет наредната година.

Потсетување дека токму нашата репрезентација е противник на Франција во бараж двомечот за пласман на Светското првенство.