Вардар денеска ја започнува одбраната на титулата во Лигата на шампионте и тоа со добрто познат тим, францускиот Монпелје против кого ја отвори и минатата сезона.

Соамиот податок дека Вардар во Франција оди како европски шампион е доволно за тренерот на Монпелје, Патрис Канаје, фаворитската улога да им ја препупшти на „црвено-црните“.

– Сакаме со победа да ја започнеме сезоната во ЛШ, но противник ни е најдобриот тим во Европа, Вардар. Знам што зборувам, тие имаат освоено две титули во ЛШ во последните три години и едно полуфинале кое го загубија од нас со само еден гол разлика.

Вардар е тим со голема ментална сила и неверојатна натпреварувачка моќ. Тие се како камелеон, кој знае како да ја наметне својата игра, но и доколку тоа не се случи, знаат експресно да се адаптираат на противникот. Откако ќе ја пронајдат слабата точка на противникот, тоа го користат постојано за да дојдат до посакуваниот резултат- вели тренерот на Монпелје, Канаје.