Иако се наоѓа на листата на желби за сите големи фудбалски екипи, Килијан Мбапе за многумина ќе остане само желба.
Гигантите еден по еден се откажуваат од евентуалниот трансфер, а последен кој го стори тоа е Манчестер сити. Менаџерот на „граѓаните“ Пеп Гвардиола ја започна потрагата по наследник на Серхио Агуеро кој ќе си замине по завршување на сезоната и изборот падна на напаѓачот на ПСЖ.
Челниците на Манчестер сити беа подготвени да платат 200 милиони евра обесштетување, сума која ја бара ПСЖ, но проблем претставуваат барањата на Килијан Мбапе кој бара дури 36 милиони евра по сезона.

„Манчестер сити нема намета за никого, па дури и кога станува збор за Мбапе, да ја менува клупската политика и да ги преплатува играчите. Платата на Мбапе би ја нарушила хармонијата во соблекувалните, и многу дури играчи на Сити би можеле да бараат поголеми плати. Ангажманот на Мбапе ќе предизвика верижна реакција и Сити тоа не го сака“, пишува „Атлетик“.