Французин го собори рекордот: Направи пица со дури 254 видови кашкавал!
Беноит Бруел од Лион се занимавал со повеќемесечна административна работа со цел да собере докази дека навистина ги искористил сите состојки кои ги навел. Па токму затоа од Гинис дури сега му го признале рекордот кој всушност го направил уште во февруари, пишува „The Takeout“.
Тој со својата пица го соборил рекордот на Австралијанецот Џони Ди Франчез од Мелбурн кој испекол пица користејќи 154 видови кашкавал. Бруел својот успех го сподели на инстаграм-профилот од ресторанот.
„Јуху! Им требаше малку време, но Гинис го призна мојот рекорд и сега ова е официјално! Го очекувам сетификатот како и пописот на сите кашкавали“, воодушевено искоментира францускиот пица мајстор.
Наводно тој во последен момент додал уште три видови кашкавал, но од непозната причина не ги навел, така што службениот број на искористени кашкавали се смета за 254.
Меѓу нив е осум месеци стариот „Comté 8“, „raclette“, „Tomme Artisanale Suisse de la Venoge aux truffes“, „Manigodine“ и уште околу двеста и нешто други видови кашкавали.
View this post on Instagram