Францускиот буџет со измами олеснет за 225 милиони евра, еве како

По извршените 50 000 проверки на барањата за делумна невработеност во Франција, откриени се вкупно 225 милиони евра измама, од кои повеќе од половина беа вратени, јави дописникот на МИА.

Проверките доведоа до 9.500 „сомневања” за измама, а во тек се 440 кривични постапки, соопшти Mинистерството за труд. Вкупно, измамата се проценува на 225 милиони евра, од кои повеќе од половина се веќе блокирани или повратени, од вкупно 30 милијарди евра, кои беа наменети за оваа цел.

Сè на сè, скоро половина од обидите за измама биле вратени или блокирани од административните служби, 130 милиони евра сè уште не се повратени, за што се отворени судски постапки и истраги.

Измамите претставуваат помалку од 1 отсто од вкупниот буџет наменет за делумна невработеност,  кој беше широко користен во кризата со коронавирусот, со скоро 9 милиони вработени погодени во екот на кризата во април, бројка што падна на 2,4 милини во јули.

Министерството за труд нагласува дека „износот на измамата може да изгледа значителен, но со оглед на мобилизираните 30 милијарди, тоа на крај е многу малку”. „Секогаш има измамници и луѓе кои го користат системот”, се вели од министерството.

Елизабет Борн, министерката за труд прецизираше дека „контролите ќе продолжат со работа со даночните служби, како и со службата за разузнавање тракфин за да се има поефикасна контрола”.

Во исто време, скоро илјада компании го потценија износот на надоместокот кој им следуваше – надомест што можеа да го добијат по овие проверки.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот