Француски напаѓач во Тетово, Шкендија ги победи Стоук, Аталанта..(ВИДЕО)
Според француските медиуми фудбалерот се согласи за договор на три и пол години, беше дел од младите „триколори“ до У17 и У18.
Нов играч на Шкендија е 19-годишниот напаѓач Абубакер Ес Сахал (роден во Монпеље) кој досега ги бранеше боите на Гингамп (Генган).
Во сезоната 2017/2018 имаше четири натпревари, а лани 13 настапи и четири голови. Претходно беше дел и од У17 и У18 репрезентацијата на Франција.
– Бев заинтересиран за клубот кој го има освоено шампионатот и има куп титули, настапувајќи многупати во плејофот на Лига Европа и е најдобриот клуб во Македонија. Бев добро примен и се надевам на позитивни резултати. Ветувам дека ќе го дадам најдоброто од себе и „црвено-црниот“ дрес – вели Ес Сахал.
Според француските медиуми фудбалерот се согласи за договор на три и пол години, до летото 202. Претходно во трката за услугите на Ес Сахал се наоѓаа уште Вулверхемптон, Стоук Сити, Аталанта, а имаше интерес и од португалската Бенфика.
Фудбалерите на тренерот на Ѓока ги водат зимските подготовки во Анталија каде што преку пријателски мечеви ја темпираат формата за пролетниот дел од сезоната.
Претходно клубот го засилија Алмир Далку, Валон Ахмеди, Алдаир Нето и Јан Кривак, а си замина Бразилецот Жуниор.