Стартот на вториот годинеше грен слен турнир Ролан Гарос е поместен за една недела подоцна поради пандемијата на коронавирусот, но оваа одлуки ги налути тенисерите и тенисерките.

Организаторот на Ролан Гарос по сугестија на француската влада мораше да го помести стартот на грен слем турнирот за една недела, и сега турнирот ќе се одржи од 30. мај до 13. Јуни. Поради оваа одлука, голем дел од тенисерите и тенисерките се принудени да го менуваат својот распоред.

Поради ова, француската министерска за  спорт се најде на уадр на многу критики, а најгласна беше француската тенисерка Ализ Корне.

– Нашата министерка за спорт е ужасна. Извинете што морам ова да го кажам. Немам ништо лично против неа, но таа е некоја која постојано носи лоши одлуки за спортот, изгледа како воопшто не ја интересира што прави Знам дека ова доаѓа од Владата, сигурна сум во тоа. Можно е одлуката да дојде и од самиот турнир, односно организаторот бидејќи слушнав дека мислат оти ќе имаат повеќе гледачи на турнирот доколку го поместат за една недела. Сè уште мислам дека ова е себична одлука која ќе направи дополнителни промени со календарот – изјави Корне.