Франција воведува построги мерки во Лион и Ница за спречување на коронавирусот

epa08670905 Locals sit at a cafe in Bordeaux South-Western France, 15 September 2020. The extension of health restrictions is increasing in France, especially in Bordeaux, in the face of the galloping progression of the Covid-19 pandemic. In Bordeaux and its metropolis, bars and restaurants, standing consumption is now prohibited and controls will be tightened. Private events are now limited to ten people, as are gatherings on beaches, parks, gardens and on city docks. EPA-EFE/CAROLINE BLUMBERG

Франција ќе воведе построги мерки во Лион и Ница во борбата против коронавирусот, изјави денеска францускиот министер за здравство Оливер Веран, истакнувајќи дека уште три региони каде што мерките веќе се на сила се сметаат за „црвени зони”.

Регионите во кои претходно беа воведени дополнителни мерки се Марсеј, Бордо и француската територија во Карипското Море – Гвадалупе.

Веран не прецизираше какви мерки ќе бидат воведени, но властите во Лион и Ница имаат рок до викендот да ги претстават плановите за дополнителни мерки пред француската Влада.

Луѓе со заштитни маски во Франција/ EPA-EFE/CAROLINE BLUMBERG

Во текот на септември, се зголеми бројот на заразени лица во Франција, а беше надминат дневниот рекорд во бројот на нови случаи.

Бројот на пациенти во болниците и одделенијата за интензивна нега исто така расте, но тој број сè уште не е толку голем како што беше на пролет.

– Ние сме во ситуација, особено регионите што ги споменав, каде што можам само да барам да ги зголемите мерките, особено во однос на луѓето што ги гледате секој ден. Семејните собири се главниот извор на Ковида-19, рече францускиот министер за здравство.

Според него, ако секој го намали бројот на социјални контакти, ширењето на вирусот ќе се намали.

Дополнителните мерки, кои од понеделникот се на сила во Марсеј и Бордо, се однесуваат на собири на плажа, посета на домови за стари лица и присуство на јавни настани. 

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот