Француската Влада го претстави новиот закон за разузнавање и борба против тероризмот насочен кон подобрување на спречувањето напади, вклучително и преку зголемено надгледување на екстремистички веб-страници.

Законот, кој се подготвуваше со месеци, беше официјално презентиран на седница на Владата неколку дена по убиството на францускиот полицаец за време на нападот врз полициската станица. Властите го испитуваат случајот како терористички напад.

Францускиот министер за внатрешни работи Жералд Дарманен на прес-конференција рече дека законот ќе ги зајакне овластувањата на француските разузнавачки служби за следење на активностите на луѓето преку Интернет. Екстремистите се помалку користат телефони и повеќе интернет контакти, нагласи тој.

Една од мерките ќе ја прошири употребата на алгоритми за следење на екстремистите преку Интернет. Методот се тестира од 2015 година со цел да се следат апликациите за разговор. Дарманен рече дека употребата на алгоритми ќе им овозможи на безбедносните служби да најдат луѓе кои неколку пати посетувале екстремистички страници.