Франција го мина прагот од 10.000 мртви од Ковид-19

Од болница излекувани излегле од почетокот на кризата 19.337 лица.

Франција го премина прагот од 10. 000 мртви од Ковид-19, со нови 607 смртни случаи во болниците и 820 во старските домови,  во последните 24 часа, јави дописникот на МИА.

Генералниот директор за здравство Жером Саломон, откако потсети дека Европа е епицентарот на епидемијата, изјави дека  Франција брои нови 305 пациенти со инфекцијата од Ковид-19, односно вкупно 30.000. Од нив 7.131 пацинет се на интензивна нега, од кои 61 отсто се на возраст од 60 до 80 години, 104 пациенти се помлади од 30 години. На интензивна нега биле пратени нови 518 пациенти. Иако бројот не се зголемува, сепак тој покажува дека епидемијата напредува.

Од почетокот на март, во Франција се регистрирано 10.328 смртни случаи, од кои 7.091 во болниците и 3.237 во старските домови. Меѓу починатите 82 отсто се на возраст од над 70 години.

Од болница излекувани излегле од почетокот на кризата 19.337 лица.

Жером Саломон, притоа оцени дека старските домови имаат потреба од засилување, исклучувајќи ја засега можноста да се размислува за подигање на мерките за ограничено движење.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот