Француските деца родени во 2010 се малтретирани на социјалните мрежи од повозрасните ученици

Ученици во Франција /Фото: EPA-EFE/CAROLINE BLUMBERG

Од почетокот на учебната година во Франција на социјалните мрежи ТикТок, Твитер и Инстаграм се појави феноменот # Анти2010, во кој ученици од VI одделение, родени во 2010 година, се цел на потсмев, навреди и оцрнување од учениците од постарите генерации, јави дописникот на МИА.

Вознемирувањето, кое не е ограничено само на социјалните мрежи, има последици дури и во самите училишта, каде учениците од 6-то одделение станаа цел на постарите ученици.

 Со оглед на обемот на феноменот, вчера беше испратено писмо до раководителите на училиштата од страна на Министерството за образование, во кое беа предупредени за ова движење опишано како „загрижувачко”.

Министерот за образование Жан-Мишел Бланке објави видео на Твитер каде повика на разумност. „Се повеќе расте движењето кое се состои од лошо добредојде на учениците од 6-то одделение и вознемирување на учениците родени во 2010 година. Тоа очигледно е целосно глупаво и против нашите вредности”, вели тој.

-Сетете се кога и самите бевте во шесто одделение. Вие сметавте на добрата волја на сите. Затоа бидете добронамерни од своја страна, бидете вектори на братството, бидете амбасадори против малтретирањето. Кажете им на сите ученици родени во 2010 година, на сите ученици од 6 -то одделение: добредојдовте на училиште. “

Министерот за образование, исто така, ја искористи можноста да се потсети на двата телефонски броја за итни случаи за борба против таквото движење: 3020 во услови на малтретирање и 3018 за кибер-вознемирување.

Броеви, исто така, беа објавени на Твитер профилот на националната полиција која ја искористи можноста да потсети на она што е предвидено со закон во вакви случаи: „Сторителите на кибер -вознемирување се казнуваат со казна до три години затвор и 45.000 евра парична казна”.

Реакцијата на Министерството за образование дојде по барањето на федерацијата на родители, која сигнализира дека на интернет и социјалните мрежи се шират пораки со следните содржини. „Мал измет од 2010 година”, „бригада против 2010 година” … Со повеќе од 40 милиони прегледи на социјалните мрежи, хаштагот # Анти2021 е на интернет. Целта: да се оцрнат учениците кои штотуку почнаа со шсто одделение и кои се родени во 2010 година.

-Бидејќи се родени во 2010 година, многу деца на 11-годишна возраст денес се цел на кампањи за навреди, малтретирање и кибер-вознемирување. Ако, фактите беа маргинални од ноември 2020 година, феноменот добие друга големина од почетокот на учебната година. Во голема мера ги надмина игралиштата или расправиите на излезот од училиштата, каде што образовниот кадар се уште може да се идентификува и да дејствува “, предупредува федерацијата во соопштението за печатот.

Според напис во Ле Паризиен, потеклото на малтретирањето на овие адолесценти доаѓа од одредени млади луѓе на онлајн видео играта Fortnite и песната „Pop it Mania”, од младата пејачка Пинк Лили. Во оваа песна, таа може да се пофали дека е „родена во 2010 година и веќе е во тек со сите трендови”.

 На социјалните медиуми започна мобилизација во одбрана на овие млади ученици, додека федерацијата на родителите потсетува дека малтретирањето никогаш не смее „да се банализира или да се сфаќа лесно”, бара од владата „веднаш да постави контрола од големи размери, како и развој на вистинска политика за заштита на детството на социјалните мрежи”

Видео на денот