Француски тенисер ја заврши сезоната поради вакцината против коронавирус
Францускиот тенисер Жереми Шарди пред време ја заврши сезоната, но не поради повреда туку поради реакција од вакцината против коронавирусот.
Шарди пред неколку дена објави деја до крајот на годината нема да настапува, додека не пронајде решение за својот проблем.
– Откако ја примив вакцината имам проблем. Имав мачнини и одеднаш не можам да играм, а не можам ниту да тренирам – изјави Шарди, а пренесува АФП.
Французинот се вакцинираше помеѓу Олимписките игри и УС Опен, а моментно 73. тенисер на АТП ранг листата откри дека имал остри болки во целото тело секој пат кога ќе се изложи на физички напор.
– Досега бев кај двајца доктори, направив некои тестови за да знам што ми е. Најважно ми е да водам сметка за моето здравје. Одбирам да земам повеќе време за да бидам сигурен дека во иднина нема да имам проблеми пред да се вратам на терените – рече Шарди.
Jeremy Chardy says he suffered a severe reaction after getting his Covid-19 vaccine: “I cannot practice, I cannot play. I started feeling a big pain on my entire body. I regret getting vaccinated” (Via RMC Sport)
— Luigi Gatto (@gigicat7_) September 24, 2021
