Француски пораки за регионот: Скопје е заложник на бугарското вето, Србија треба да го признае Косово

Франција и ЕУ/ Фото: EPA-EFE/IAN LANGSDON

Амбасадорката на Франција, земјата која на 1 јануари го презеде шестмесечното претседавање со Европската Унија, истакна дека не треба да има поделба во процесот на европска интеграција меѓу Албанија и Северна Македонија, иако „Скопје е заложник на бугарско вето“.

Француската амбасадорка во Албанија Елизабет Барсак смета дека „вистинското прашање“ во дискусијата за иницијативата Отворен Балкан е признавањето на независноста на Косово и вели дека дијалогот меѓу Белград и Приштина е приоритет на Европа.

Барсак рече дека е скептична кон иницијативата Отворен Балкан, чиј дел не е Приштина, пишува Коха диторе.

– Сметам дека се што е направено при потпишувањето на договорот за унапредување и зголемување на билатералната размена е многу добро, но ако се гледа од глобална перспектива на целиот регион, вистинското прашање останува признавањето на Косово од Србија и дијалог меѓу Косово и Србија. Нема да можеме одржливо да изградиме навистина суверена Европа ако не го водиме овој дијалог и не постигнеме напредок во оваа област – рече амбасадорот.

Таа потсети дека на 1 јули 2021 година во Западен Балкан е воспоставен бесплатен роаминг и посочи дека поради тоа помислиа на создавањето на заедница за јаглен и челик меѓу Германија и Франција, претходникот на Европската унија.

– Се започнува со такви работи, можеби не многу спектакуларни, за да се премине на навистина суштински работи. Денес, бесплатната комуникација, користењето телефони каде и да сте во регионот, горе-долу е како јагленот на нашите комуникации. Во регионот каде што можете брзо да патувате бидејќи далечините не се големи, од Скадар можете да одитена ручек во Подгорица, без да имате проблеми со телефонот – изјави Барсак.

 

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот