Франција од трансферот на Меси ќе заработи 147 милиони евра

ПСЖ ќе плати 147,3 милиони евра во државната каса/Фото: EPA-EFE/CHRISTOPHE PETIT TESSON

Официјално Аргентинецот дојде како слободен играч во ПСЖ, неофицијално за три години во Париз ќе заработува 40 милиони по година.

Доаѓањето на Лео Меси во францускиот клуб е најголемата приказна ова лето, настан кој на промени историјата на најпопуларниот спорт.

Дел од таа приказна, секако е и финансискиот аспект на овој трансфер. Француските медиуми анализираа и колку неговото доаѓање ќе влијае на францускиот буџет.

И пресметаа дека ПСЖ ќе плати 147,3 милиони евра во државната каса за време на неговиот престој во клубот.

Од тоа, 38,2 милиони евра ќе се плаќаат годишно за неговото здравствено и социјално осигурување, а 10,9 милиони годишно даноци.

Ова значи дека ПСЖ ќе потроши околу 270 милиони евра за доаѓањето на Меси за три години, вклучувајќи ја и неговата плата.

Видео на денот