ФОТО+ВИДЕО | Трагедија: Петнаесет деца се удавија во поплави во Бангладеш

Поплави во Бангладеш
Петнаесет деца се удавија во поплавите што го погодија Бангладеш, а итно е потребно да се обезбеди чиста вода за пиење за 3,5 милиони луѓе / 24 јуни 2022 / Фото: EPA-EFE/MONIRUL ALAM

Петнаесет деца се удавија во поплавите што го погодија Бангладеш, а итно е потребно да се обезбеди чиста вода за пиење за 3,5 милиони луѓе, бидејќи опасноста од појава на болести кои се пренесуваат преку вода се зголемува, објави денеска во Женева претставникот на УНИЦЕФ Шелдон Јет.

„Тоа е фрапантна бројка на настрадани деца и зголемување на вкупниот број на жртви во последните неколку дена. Огромни области се целосно потопени и отсечени од залихите на вода за пиење и храна. На децата во овој момент им е потребна помош“, изјави Јет.

Тој додаде дека владите на различни земји и агенции побрзаа да обезбедат хуманитарна помош, вклучително и вода за пиење, по ненадејните поплави кои зафатија четвртина од Бангладеш и ја нарушија работата на здравствените институции, ги затворија училиштата и ја загрозија борбата против неухранетоста на децата.

„Бројот на случаи на дијареја се искачи на 2700 од средината на оваа недела“, додаде тој.

Властите во Бангладеш и соседна Индија предупредија на ризикот од појава на болести кои се пренесуваат преку вода. Како резултат на најголемите поплави во Бангладеш во последните сто години, повеќе од 4,5 милиони луѓе се отсечени од светот, а десетици ги загубија животите.

Поплави во Бангладеш / 24 јуни 2022 / Фото: EPA-EFE/MONIRUL ALAM
Поплави во Бангладеш / 24 јуни 2022 / Фото: EPA-EFE/MONIRUL ALAM
Поплави во Бангладеш / 24 јуни 2022 / Фото: EPA-EFE/MONIRUL ALAM
Поплави во Бангладеш / 24 јуни 2022 / Фото: EPA-EFE/MONIRUL ALAM
Видео на денот