ФОТО+ВИДЕО: Топката за финалето во Лигата на шампионите ќе има натпис „Мир“
Топката што ќе се игра во финалето на Лигата на шампионите ќе биде понудена на аукција по натпреварот, а целиот приход ќе оди во Високата комисија на Обединетите нации за бегалци од Украина, соопшти „Адидас“.
Зборот „Мир“, на англиски и кирилица, ќе ја краси топката со која играчите на Ливерпул и Реал Мадрид ќе играат во финалето на Лигата на шампионите в сабота, 28 мај (21.00 часот), објави во вторник германскиот производител на спортска опрема.
„Адидас“ воедно најави дека ќе стави ограничено издание на топката и целата заработка на аукција ќе биде дадена за бегалци од Украина.
– Топката што ќе се игра во финалето на Лигата на шампионите ќе биде понудена на аукција по натпреварот, а целиот приход ќе оди во Високата комисија на ОН за бегалци (УНХЦР) за да обезбеди заштита и помош на бегалците кои се принудени да ги напуштат своите домови – се вели во соопштението.
Финалето на Лигата на шампионите во 2022 година, кое требаше да се игра во сабота во Санкт Петербург, е преместено на стадионот во Сен Дени, во близина на Париз, поради руската агресија врз Украина.
Европската фудбалска куќа (УЕФА) која „остро ја осудува воената агресија“ која започна на 24 февруари, ги исклучи руските клубови од европските фудбалски натпреварувања следната сезона, а исто така реагираше и ФИФА, која ја исклучи Русија од Светското првенство во Катар.
Adidas have revealed the ball for this weekend's Champions League final 😍⚽️ pic.twitter.com/8vGOSE2zu1
— FourFourTwo (@FourFourTwo) May 24, 2022
THE CHAAAAAAAAAMPIONS🫶🎶
We proudly present the official match ball for the final of the UEFA @ChampionsLeague. pic.twitter.com/3lMQOwM5Q2— adidas Football (@adidasfootball) May 24, 2022
