ФОТО+ВИДЕО: Ракип освои титула со Малме – инвазија на навивачите на теренот во Шведска!

Навивачите на Малме веднаш по последниот судиски свиреж го „преплавија“ теренот да прослават/Фото: Принтскрин/Youtube/MONDO ULTRAS

Фудбалерите на Малме, за кој игра македонскиот репрезентативец Ердал Ракип, ја освоија титулата во последното коло од шведското првенство.

Во 30 рунда од шампионатот играчите на Малме одиграа без голови (0:0) против екипата на Халмштад и го обезбедија врвот благодарение на подобрата гол-разлика.

Второпласираниот АИК триумфираше над Сириус со 4:2 и сезоната ја заврши со ист број бодови (59), како и Малме, но и послаба гол-разлика. Малме имаше 58:30, а АИК 48:25.

За Малме ова е 22 титула, што е шведски рекорд и како шампион ќе игра во првото коло од квалификациите за Лигата на шампионите. АИК и третопласираниот Дјургарденс ќе играат во второто коло од квалификациите за УЕФА Конференциската лига.

Сезонава нашиот играч Ракип во својата трета година за Малме во првенството запиша 25 настапи и два голови во победите против Оребро и Калмар.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот