Во малото швајцарско село Гимелвалд, кое се наоѓа на надморска височина од 1.363 метри, е отворена првата „Продавница на чесноста“ („The Honesty Shop“).

Според описот на официјалната интернет-страница на пансионот „Гимелвалд“, во чиишто рамки продавницата работи, таа е прва од ваков вид во Европа.

„Оваа ‘Продавница на чесноста’ е првиот селски трговски објект во Швајцарија и Европа што целосно зависи од довербата и чесноста на купувачите. Самите го земате она што го сакате, ставате соодветна сума пари во плико, го ставате во приложената кутија за чесност и се чувствувате добро поради тоа!“, се вели во описот на пансионот „Гимелвалд“.

Имено, станува збор за продавница во која нема ниту продавачи, ниту камери. Купувачите купуваат без каков било надзор, а во продавницата се нуди домашна рачна изработка, сувенири, храна и пијалаци.

Многумина се воодушевени од овој концепт, но дел од интернет корисниците сметаат дека ваквите продавници не би можеле да функционираат во другите земји ширум светот.