ФОТО+ВИДЕО | Почина девојчето кое изгледаше како старица: Боледуваше од ретко генетско нарушување

Фото: Инстаграм

Девојчето Адалија Роуз Вилијамс, која имаше само 15 години и стана славна на интернет поради необичното генетско нарушување кое го имаше, почина.

Мајката на Адалија потврдила дека девојчето од Тексас починало во средата вечер.

 

View this post on Instagram

 

A post shared by The Adalia Rose Show (@adalia06)

Адалија страдаше од прогерија, ретко генетско нарушување кое води до нагло, забрзано и предвремено стареење. Иако имаше само 15 години, изгледаше како да е во длабока старост.

Дијагнозата на нарушувањето чие полно име е Хачинсон-Гилфорд синдром на прогерија е поставена кога Адалија имала само три месеци. Предизвикува предвремено стареење, забавен раст, опаѓање на косата, а прогнозираниот животен век на децата кои ја добиваат оваа дијагноза е само 12-13 години. Неколку стотици деца низ планетата страдаат од ова нарушување.

 

View this post on Instagram

 

A post shared by The Adalia Rose Show (@adalia06)

Малата Адалија одлучила да не се крие само затоа што изгледа поинаку од своите врсници, па стана ѕвезда на Јутјуб. Нејзиниот канал, на кој објавуваше снимки од танцување, шминкање и други тинејџерски активности, имаше повеќе од 339 милиони прегледи.

„Таа допре милиони луѓе и остави неизбришлива трага во срцето на секој од нив. Повеќе ништо не ја боли и сега танцува на музиката што ја обожаваше“, наведено е на нејзината фејсбук-страница.

Видео на денот