Огромното бебе кралски пингвин по име Песто, тешко колку неговите родители заедно, стана познато на социјалните мрежи и атракција во аквариумот во Мелбурн.

Песто е најтешкото бебе пингвин во историјата аквариумот „Си лајф“, објавија претставници на аквариумот. Има девет месеци и тежи 22 килограми, двојно повеќе од неговите родители заедно. Речиси две милијарди луѓе го виделе на објавите на социјалните мрежи.

Од „Си лајф“ велат дека минатата недела изел повеќе риба отколку што тежи – 24 килограми.  Ветеринарите велат дека оваа количина на храна е здрава за пингвин кој се приближува до полнолетството.

Неговите чувари веруваат дека Песто ќе престане да расте кога ќе почне да се осамостојува и кога ќе почне да му растат вистинските пердуви. Тој веќе почна да ги губи кафените пердуви кои ќе ги заменат црно-белите пердуви на возрасен пингвин. Тие исто така очекуваат да изгуби околу 15 килограми во тој процес.

Пестото се родил на 31 јануари оваа година како единствено бебе од овој вид пингвини во „Си лајф“ во последните две години.

Возрасните кралски пингвини обично тежат меѓу девет и 18 килограми и тие се вториот по големина вид пингвини во светот, по царскиот пингвин.