ФОТО+ВИДЕО: Луксузните вили на Ла Палма покриени со пепел
По фотографиите од куќите проголтани од лава, деновиве од шпанскиот остров Ла Палма пристигнуваат поневеројатни сцени – неколку куќи сега се покриени со огромно количество пепел од вулканот, кој еруптираше на островот пред месец и половина.
Количината на пепел е толку голема што некои куќи во подножјето на вулканот воопшто не се видливи, а пепелта е на улиците или пред вратите на некои згради, блокирајќи го влезот.
Фотографијата од гробиштата е особено страшна – од пепелта излегуваат само крстови.
Imágenes de casas en La Palma casi totalmente sepultadas por la ceniza del volcán https://t.co/VdS0fXG1n4
📷 Emilio Morenatti pic.twitter.com/rUrftBKdz5
— EL PAÍS (@el_pais) October 30, 2021
Шпански Ел Мундо објави дека вулканот не престанува да еруптира лава од 19 септември. Квалитетот на воздухот во Лос Ланос де Аридана е влошен, додека сеизмичката активност е намалена, иако оваа недела се случи нов земјотрес со јачина од 5 степени според Рихтеровата скала.
Пепелта од вулканот стигна до северниот дел на островот и покри бројни општини како Тијарафе, Пунтагорда и Гарафија, како и објектите на Институтот за астрофизика на Канарските острови, кој се наоѓа на 2.426 метри надморска височина, пренесува Ефе.
Las coladas históricas del volcán de San Juan (1949) han sido sepultadas por toneladas de cenizas del volcán de La Palma. @IPNA_CSIC @IGME1849 #lapalma #noticiaslapalma #terremotoslapalma #urgencaislapalma #emergencialapalma #volcanlapalma #vigilanciaLaPalma #volcancumbrevieja pic.twitter.com/21pKWehmIW
— El Time (@ElTimeLaPalma) November 1, 2021
Медиумите јавуваат дека прогнозите за правецот на ветерот, југ и југозапад, би можеле да влијаат на работата на аеродромот во Ла Палма овој понеделник, со преместување на пепелта кон тоа подрачје.
Покрај тоа, еруптивниот столб достигнува и до 4.500 метри надморска височина, објасни директорката на Националниот географски институт (IGN) на Канарските острови, Марија Хозе Бланко.
На локалното население им се препорачува да носат маски доколку ги напуштат своите куќи, бидејќи квалитетот на воздухот на островот е влошен.
ВИДЕО: Ерупција на вулканот на Канарските Острови, евакуирани 5 илјади луѓе
Четири недели не престанува активноста на вулканот Кумбре Виеја на шпанскиот остров Ла Палма
