ФОТО+ВИДЕО: Адеми и Ристовски со Динамо Загреб се шампиони на Хрватска
На едно коло до крајот на тековната сезона, денеска фудбалерите на Динамо Загреб по 23 пат станаа шампиони на Хрватска.
„Модрите“ славеа на гостувањето кај Шибеник со 2:0 и така стекнаа недостижни четири бода пред второпласираниот Хајдук Сплит во генералниот пласман.
А токму овие две екипи на „Максимир“ ќе ги одмерат силите на 21 мај во последната рунда од тамошниот шампионат.
Динамо ја одбрани титулата шампион, поточно ја освои петтата во низа, а 16-та во последните 17 години. Оваа доминација на кратко ја прекина Риека во 2017 година.
На денешниот дуел со Шибеник целиот меч за првакот го одиграа македонските репрезентативци Аријан Адеми и Стефан Ристовски. За Адеми ова беше јубилејна 20 титула со клубот, најтрофеен во историјата на Динамо.
Видео на денот