Фотографиите од Ким Јонг-ун на врвот на планината не се безначајни: СЕ СПРЕМА НЕШТО ГОЛЕМО
Лидерот на Северна Кореја, Ким Јонг-ун се фотографираше на коњ на планина покриена со снег, а тие фотографии преплашија многу Корејци.
На фотографиите се гледа како Ким Јонг-ун јава на планина на бел коњ, а направени се на планината Паекту, едно од најважните државни културолошки и геолошки места, пишува Си-Ен-Ен.
Паекту, планината која е активен вулкан, е најголемиот врв на корејскиот полуостров, а на планината висока 2744 метри, Ким, како што тврдат севернокорејските медиуми, пристигнал сам на коњот. Иако станува збор само за пропаганда, експертите сметаат дека Ким Јонг-ун се спрема да објави нешто големо.
– Жал ми е за коњот. Не знаеме што точно се случува, но знаеме дека ќе се случи нешто големо. Во минатото не само кога стануваше збор за Ким Јонг-ун, туку и за неговиот татко Ким Јонг-ил и дедо му, Ким Ил-сунг, ваквите излети со јавање беа знак дека нешто ќе се случи – рекол Гордон Чанг, автор на повеќе книги за азиска геополитика.
На прашањето што би можело тоа да биде тој одговорил:
– Тоа засега не го знаеме, но може да значи напуштање на нуклеарните преговори со САД или може да биде насочено спрема Јужна Кореја. Не знаеме за што се работи, но сигурно нешто се случува и тоа нема да ни се допаѓа.