Фотографиите од Јанева на граница се СТАРИ ТРИ ГОДИНИ
Фотографиите кои кружат на социјалните мрежи, а на кои се гледа обвинителката Јанева на граничен премин не се нови.
Всушност, постари се од три години, а во тоа време и дел од медиумите веќе ги имале објавено истите фотографии.
Овие фотографии привлекоа внимание со оглед дека Јанева деновиве исто така беше на одмор на Грција, додека истовремено нејзиниот глас се слуша во снимките објавени од Ла Верита за случајот „Рекет“.
Се уште е непознато дали Јанева се вратила во земјава, но во меѓувреме стручната јавност смета дека постојат доволно основи и индиции врз неа да биде изречена одредена меркa како одземање на пасошот, па дури и притвор, наведува Фокус.